परराष्ट्र मन्त्रालयले अबदेखि नेपाली नागरिकको राहदानीदेखि विदेशस्थित दूतावास र वाणिज्य दूतावासमा प्रयोग हँुदै आएको नामलाई संशोधन गरेर नेपाली लेख्ने निर्देशन दिएको मन्त्री महतले बताए। ‘तत्काल मन्त्रालय मातहतका सबै निकायमा नेपालीको अंग्रेजीकरणमा नेप्लिज शब्द नलेख्ने निर्णय भएको छ,’ महतले भने, ‘अरु मन्त्रालय र मातहतका निकायमा पनि यस निर्णय अनुरुप बनाउन मन्त्रिपरिषद बैठकमार्फत चाँडै निर्णय हुने छ।’

कतिपय देशले आफ्नो दूतावास र नागरिकको अंग्रेजी नाममा आफ्नै पहिचान रहने गरी लेख्ने गरेजस्तै नेपाली नागरिक र यसका सबै निकायमा प्रयोग हुने अंग्रेजी नामको रुपान्तरण नेपाली नै पर्याप्त र आफ्नो मौलिक पहिचानको भावना झल्किने भन्दै मन्त्रालयले यस्तो निर्णय गरेको हो।

मन्त्रालयले यो निर्णय लिनुपूर्व आफूले परराष्ट्रविददेखि नेपाली भाषाविदहरूसँग पनि परामर्श गरिएको मन्त्री महतले बताए। (सेतोपाटीवाट)