यस बायोनिक बुटको सहयोगमा ४० किलोमिटर प्रतिघण्टाको गतिमा दौडिन सकिने छ। अझ रमाइलो कुरा के छ भने यो जुत्ताको प्रयोग मानिसले बढाए भने हाल सडकमा गाडिका कारण हुने ट्राफिक जामबाट मुक्ति मिल्ने छ। साथै वातावरण प्रदुषण पनि कम हुने छ।अनुसन्धानमा संलग्न किही सेयमोरले यो जुत्ता तयार गरेका हुन्। यसको मूल्य हाल नेपाली करीब २५ हजार रुपैयाँ पर्ने बताइएको छ। सेयमोरले जुत्ताको पछाडि एक स्प्रिङ जडान गरेका छन्, जसको सहयोगमा कंगारु जसरी छलाङ लगाउन सकिने छ। यसले कम गतिमा चल्ने कारको रफ्तारको बराबर दौडिन मद्दत गर्छ। जुत्ता बनाउने सेयमोरले उनी सानैदेखि सुतुरमरृग जस्तै तेज दौडिने कल्पना गर्ने गरेकै कारण आज यो जुत्ता बनाउन सकेको बताए।संसारमा सबैभन्दा तेज गतिमा दौडिने जनावरकै गतिमा दौडिन सकिने संयन्त्र वा उपकरण्को निर्माण नगरेसम्म उनले आफ्नो अनुसन्धानलाई जारी राख्ने पनि बताएका छन्।