२ बैसाख २०७२, एडेलेड- अमेरिकी राष्ट्रपतिको भवन ह्वाइट हाउसमा बम हानी ध्वस्त पारिदिने धम्की दिने दुर्इ जना नेपालीलार्इ अमेरिकन प्रहरीले पक्राउ गरेको छ । उनीहरुले त्यहाँस्थित ९११ टोल फ्रि नम्बरमा फोन गरेर आफूहरुलार्इ अलकायदाका सदस्यको परिचय दिर्इ ह्वाइट हाउससहितका अन्य सरकारी निकाय बमले उडाउने धम्की दिएका थिए । अमेरिकाकै न्युयोर्कमा बस्दै आएका २८ वर्षीय गुरु धिमाल र कोलम्बसमा बस्दै आएका ६७ वर्षीय भगिरथ कोइरालालार्इ त्यहाँस्थित प्रहरीले मंगलबार पक्राउ गरी कारबाही अघि बढाएको हो । उनीहरु दुबैले गत शुक्रबार आफूहरुलार्इ अलकायदाका सदस्यको परिचय दिर्इ गुडिरहेको बसबाट फोन गरेर ह्वाइट हाउसलार्इ बम हानी उडाउने धम्की दिएको प्रहरी अनुसन्धानबाट खुलेको छ ।