घरको सिसिटिभी फुटेजमा घटनास्थल नजिकै सेतो रङ्गको एउटा कार देखिएपछी बन्दुक धारीहरु सोही कारमा आएको हुनसक्ने कुरालाई केन्द्रमा राखेर दक्षिण अस्ट्रेलियाको प्रहरीले हाल अनुसन्धान गरिरहेको बताएको छ ।

२५ जनवरी २०२५, एडिलेड- साउथ अष्ट्रेलियाको एड्वाडट्सटाउनमा भन्ने सवर्वमा २ जना नकाबधारीहरु बन्दुक सहित घरको ढोकैमा पुगेको साउथ अष्ट्रेलिया प्रहरीले बताएको छ । एड्वाडट्सटाउन सवर्बमा पर्ने रेग्लेन एभिन्युमा रहेको एक घरमा बिहिबार बिहान ५ बजेतिर दुईजना नकाबधारीहरु बन्दुकसहित घरको ढोकामा आएको देखेपछी घरधनीले प्रहरीलाई खबर गरेका थिए । त्यसको केहीबेरमा बन्दुक बोकेका नकाबधारीहरु त्यँहाबाट भागेका कारण कुनै दुर्धटना भने हुन पाएन ।यस सवर्बमा नेपालीहरुको बाक्लो बसोवास रहेको छ ।

उनीहरु बन्दुकसहित आउनु चोरीका लागी हो अथवा हत्याको उदेश्य हो हालसम्म खुलेको छैन । प्रहरीले घटनाबारे थप अनुसन्धान गरिरहेको छ ।

घरको सिसिटिभी फुटेजमा घटनास्थल नजिकै सेतो रङ्गको एउटा कार देखिएपछी बन्दुक धारीहरु सोही कारमा आएको हुनसक्ने कुरालाई केन्द्रमा राखेर दक्षिण अस्ट्रेलियाको प्रहरीले अनुसन्धान गरिरहेको बताएको छ । घटनाबारे कुनै जानकारी हुनेहरुलाई ‘क्राइम स्टपर’ लाई १८०० ३३३ ००० मा सम्पर्क गर्न प्रहरीले अनुरोध गरेको छ ।