८ जनवरी २०२५, सिड्नी- आर्थिक विश्लेषकहरू र बैंकहरूले  आगामी तीन महिनामा ब्याज दर कटौतीको पूर्वानुमान गरेका छन् । बैकंकर्जामा घर किनेका, जो बढ्दो ब्याजदरका कारण कर्जा तिर्न संघर्ष गरिरहेकाहरूका लागि निकै खुसीको  समाचार छ ।

वेस्टप्याक प्रमुख अर्थशास्त्री लुसी एलिसले मंगलबार एक पत्रिकालाई अस्ट्रेलियाको रिजर्भ बैंकले छिट्टै दर घटाउन सक्ने बताए ।  मे महिनाबाट घट्ने अनुमान गरिएपनि त्यो भन्दा अगाडी नै फेब्रुअरीबाट नभए अप्रिलबाट घट्ने संभावना प्रबल रहेको बताए ।

न्याबका प्रमुख कार्यकारीले समेत मध्यबर्षसम्ममा ब्याजदर घट्नेमा आफू निश्चिन्त रहेको बताए ।

नगदमा लाग्ने ब्याजदर हाल १२ बर्षयताकै उच्च रहेको छ । ब्याजदर घट्दा अस्ट्रेलियाको अर्थतन्त्र समेत थप चलायमान हुने अर्थशास्त्रीहरू बताउछन।