६ जनवरी २०२५, पोखरा- पोखराको सूर्य दर्शन सहकारी संस्थाको बचत अपचलन प्रकरणमा कास्की जिल्ला अदालतमा राष्ट्रिय स्वतन्त्र पार्टी रास्वपाका सभापति रवि लामिछानेको तर्फबाट ३ कानून व्यवसायीले थुनछेक बहस गरेका छन् ।

सोमबार कास्की जिल्ला अदालतमा लामिछानेको तर्फबाट ३ कानून व्यवसायीले बहस गरेको जिल्ला अदालत कास्कीका स्रेस्तेदार राजन खनालले जानकारी दिए।

उनका अनुसार पूर्व महान्यायाधिवक्ता रमन श्रेष्ठ, वरिष्ठ अधिवक्ता सुशिल पन्त र सुरेन्द्र थापाले बहस गरेका छन्। बाँकीले भने भोलि पुनः निरन्तर बहस गर्ने खनालले बताए। रविको तर्फबाट बहस गर्न १८ अधिवक्ताले नाम टिपाएका छन् ।

बहस गरेका अधिवक्ताहरूले भने सहकारीसँग रविको कुनै सम्बन्ध नरहेको बताएका छन्। सहकारीसँग सम्बन्ध नरहेकोले रविलाई यसमा जोड्न नहुने उनीहरूको तर्क छ।