७ सेप्टेम्बर २०१५, सिड्नी- मेडिकल शिक्षामा भइरहेको ‘माफियाकरण’ को बिरुद्दमा १३ दिन अनशन बसेका डा. गोबिन्द केसीको समर्थनमा अष्ट्रेलियाको सिड्नीमा पनि नेपालीहरुले र्याली निकालेका छन । र्यालीमा उपस्थितहरुले डा. केसीको स्वास्थलाभको कामना गरेका छन भने, सरकारको निर्णको स्वागत गर्दै सरकारले डा. केसीले फेरी अनसन बस्नबर्ने बाताबरण आउनदिन नहुने बिचार राखेका छन ।

नेपालको स्वास्थ्य र शिक्षा क्षेत्रमा रहेका विकृतिका विषयलाई लिएर छैटौ पटक आमरण अनसन बसेका डा. गोविन्द केसीको समर्थनको लहर प्रवासमा पनि उस्तै देखियो। शिक्षा र स्वास्थ्य क्षेत्रका विकृति अन्त्य गरी गुणस्तरीय चिकित्सा शिक्षा र स्वास्थ्य सेवामा आम जनताको सर्वसुलभ र सहज पहुँचको सुनिश्चित गर्न पटकपटक आवाज अठाउदै आएका केसीको समर्थनमा सिड्नीका प्रवासी नेपालीले प्ले कार्ड सहित प्रर्दशन गरेका थिए।