फाइनलका केही दृष्य फेसबुक पेजमा पोष्ट गर्दै उनले फाइनल हेर्ने सुन्दर अवसर प्राप्त भएको बताएकी छन्। उनले आफ्नो भाइ क्रिकेटको क्रेजी फ्यान भएको र सँगै हेर्न नपाएकोमा ‘मिस’ गरेको बताएकी छन्।जोशीले अष्ट्रेलियाका विभिन्न सहरमा आफ्नो संगीतिक प्रस्तुति गरिसकेकी छन्। ‘उध्रेको चोली ल है…’ उनको चर्चित गीत हो। १५ चैतमा उनले गैर-आवासिय नेपाली संघले आयोजना गरेको ‘नेपाल फेस्टिवल २०१५’ मा एडेलेडमा समेत आफ्नो गायन प्रस्तुत गरेकी थिइन ।आइतबार सम्पन्न फाइनल खेलमा कप्तान माइकल क्लार्कले आफ्नो अन्तिम एकदिवसीय अन्तर्राष्ट्रिय खेलमा ७४ रन बनाएपछि आइतबार निरश फाइनलमा न्युजिल्यान्डमाथि सात विकेटको जित दर्ता गराउँदै अस्ट्रेलिया पाँचौं पटक विश्वकप च्याम्पियन बनेको थियो।