२९ फेब्रुवरी २०२४- नेपाली गायनको आकाशका सदाबहार गायक दाजुभाइ सत्यराज आचार्य र स्वरुपराज आचार्यले साढे सात बर्षपछी साउथ अष्ट्रेलियाको एडिलेडमा आफ्नो साँगितिक प्रस्तुति दिएका छन । अष्ट्रेलियामा साँगितिक यात्राको क्रममा रहेका गायक दाजुभाइले सनिवार वेस्टर्न एडिलेडमा रहेको उडभिल टाउनहलमा आफ्नो प्रस्तुति दिइरहँदा सबै उमेरसमुहका दर्शकहरुले कार्यक्रमको भरपुर मजा लिएका थिए । भजनशिरोमणी भक्तराज आचार्यको सम्मानमा भएको उक्त कार्यक्रममा स्वर्गीय गायक भक्तराज आचार्यको स्मृती र सम्मानमा १ मिनेट मौनधारणसमेत गरिएको थियो ।

अन्तराष्ट्रिय नेपाली कलाकार समाजको आयोजनामा भएको उक्त कार्यक्रमलाइ एसए डिसेबिलिटी केयरले गोल्ड स्पोन्सरका रुपमा प्रयाजन गरेको थिए भने ‘टेस्ट अफ नेपाल’ नेपाली रेस्टुरेन्टले ब्रोन्ज स्पोन्सरका रुपमा सहयोग गरेको थियो । यसैगरि मेट्स इन्टरनेसनल भिसा सर्भिसेस, इन्क्रेडिब्ली प्युर वाटर फिल्टर, मेरो रियल स्टेट तथा वेलोन ट्याक्सले आर्थिक सहा‍यता गरेका थिए । कार्यक्रममा एडिलेडका कलाकारहरु ‘द वालाला एन्‍ड ब्यान्ड’, सुवास ढुङ्गाना, आशिका राइलगायतको प्रस्तुति रहेको थियो । कार्यक्रममा फुड पार्टनरका रुपमा एड्वाड्सटाउनमा रहेको अथेन्टिक नेपाली तथा नेवारि खानाको परिकार पस्कने ‘भोये छेन’ रेस्टुरेन्टले गरेको थियो ।

गायक सत्यराज आचार्यले एडिलेडमा रहेका नेपालीहरुलाइ कार्यक्रम सफल बनाउन मदत गरेकोमा “भगवान” को संज्ञा दिदै सामाजिक सञ्जाल फेसबुकमार्फत धन्यवाद दिएका छन । अष्ट्रेलियाका सबैजसो राज्यहरुमा आफ्नो साँगितिक प्रस्तुति दिएका गायक दाजुभाएको सोमबारको गोल्डकोस्टको प्रस्तुति अन्तिम हुने छ।