महाभूकम्पपछि सडकमा निस्किएका सर्वसाधरण अहिलसम्म पनि घरभित्र छिर्न सकेका छैनन्। सर्वसाधरण कतै खुल्ला चौरमा बसेका छन् भने कोही पाल टाँगेर खुल्ला ठाउँमा ओत लगाएर रात बिताएका छन्।

अहिलेसम्म करिब चार दर्जन धक्काले नेपालका सबै भूभाग, भारतको दिल्ली र तिब्बतको पठारसम्म लगातार हल्लाइरहेको छ। त्यस्तै, सा-साना स्केलका भूकम्प सयौंपटक मापन गरिएको छ।

शनिबार गएका भूकम्पमध्ये बारपाक केन्द्रबिन्दुको पहिलो कम्पन नै सबैभन्दा शक्तिशाली रहेको भूगर्भशास्त्री बताउँछन्। उनीहरूका अनुसार उक्त भूकम्प विसं १९९० सालको महाभूकम्पपछिको ठूलो भूकम्प हो।