राजधानीस्थित घरमा बस्दै आएकी २३ वर्षीया इभाना मानन्धरले उपाधिसँगै एक लाख रुपैयाँ, डब्लुडब्लुएफको सद्भावना दूत भएकी छिन्। उनले गोस गर्ल र पर्सनालिटीको उपाधी समेत जितिन् । उनले आगामी असोजमा हुने ६५ औं मिस वर्ल्डमा नेपालको प्रतिनिधित्व गर्ने छिन्। व्यक्तित्व विकासको प्रशिक्षण लिन प्रतियोगितामा सहभागिता जनाएकी उनले उपाधि पाउँदा खुसीसँगै समाजप्रति जिम्मेवारी थपिदिएको प्रतिक्रिया दिइन् ।मिस नेपालको २० औं सस्करणमा १९ प्रतियोगीमध्ये राजधानीकी दिव्यता वैद्य ‘मिस नेपाल अर्थ’ घोषित भइन् । उपाधिसँगै उनले ४० हजार रुपैयाँ जितिन् । उनलाई सोनिया राजभण्डारीले क्राउन लगाईदिएकी थिइन् । उनले आउँदो मिस अर्थको १५औं संस्करणमा नेपालको प्रतिनिधित्व गर्नेछिन् । २० वर्षीया मेधा कोइरालाले मिस नेपाल इन्टरनेसनल र उपाधि पाइन् । उनले कात्तिक १९ मा जापानमा हुने मिस इन्टरनेसनलमा नेपालका तर्फबाट सहभागिता जनाउनेछिन् ।विभिन्न विधाअन्तर्गत सोनु थापा मगरले फेन्डसिप, पुजा श्रेष्ठले ट्यालेन्ट, निश्मा चौधरीले बब्ली र रेबिका क्षेत्रीले ब्युटी विथ प्रर्पोज उपाधि जितिन्।

तीनघन्टा लामो प्रतियोगिताको आयोजना द हिडन ट्रेजरले गरेको थियो । यसपटक मेधा कोइराला, रेबिका क्षेत्री, सृष्टि भट्टराई, पुजा श्रेष्ठ, प्रियारानी लामा, सुजाता खनाल, रिता केसी, सोनु थापा मगर, अनु खड्का, सुदिपा पाठक, निश्मा चौधरी, दिव्यता वैद्य, प्रशंसा पराजुली, इभाना मानन्धर, दुर्गा गुरुङ, एसिना पौडेल, कृपा न्यौपाने, स्नेहा पौड्याल र नुनिङ लिम्बुले सहभागिता जनाएका थिए । यसपटक मिस नेपालमा काठमाडौंबाहेक ललितपुर, तनँहु, सिराहा, रुपन्देही, कास्की, झापा, चितवन, सुनसरी, र ललितपूरका सहभागिले प्रतिस्पर्धा गरेका थिए । कोरियोग्राफर रचना गुरुङ शर्मा र माल्भिका सुब्बाले प्रतियोगीहरुलाई प्रशिक्षण दिएका थिए ।

प्रतियोगितामा पूर्व मिस नेपालहरु सृष्टि श्रेष्ठ, ईशानी श्रेष्ठ, नवराज ढकाल, उदय शम्शेर राणा, निर्मला केसी, शंकर शर्मा, ज्ञानेन्द्रलाल प्रधान, सुदेश्ना श्रेष्ठ, निश्चल पाण्डे, लिजाडली मानन्धर र आनन्द रत्नपार्खी निर्णायक थिए । यसपटक प्रतियोगिता दर्शकहरूले समेत प्रत्यक्ष हेर्न पाऊन् भनेर टिकटको व्यवस्था गरिएको थियो ।