५ बैसाख २०७२, काठमाडौँ –   – जाजरकोटमा फैलिएको मौसमी रुघाखोकीबाट थप २ को मृत्यु भएको छ । यो सँगै मौसमी रुघाखोकीबाट मर्नेको संख्या २३ पुगेको छ ।

आज गर्खाकोट १ मटेलाका ६० वर्षीय धने दमाई र नायकबाडा ८ घर्तीगाउँका ६८ वर्षीय वीरे कार्कीको मृत्यु भएको हो ।

गर्खाकोटकमा औषधी र स्वास्थ्यकर्मी नपुगेको गाविस सचिब कृष्णबहादुर शाहले जानकारी दिए । घर्तीगाउँमा यो रोगबाट एक सय बढी विरामी परेको स्थानीय कालीबहादुर कार्कीले बताए ।

प्रकोप नियन्त्रणका लागि स्वास्थ्यकर्मी तथा औषधी नपुगेको कार्कीले बताए ।